www.zaniarisite.tk

بە گۆڕینی شێوازی ژیانت دەتوانی خۆت لە نیوەی جۆرەكانی شێرپەنجە بپارێزیت

2011-12-12T13:46:38+01:00

- توێژینەوەیەكی نوێ گەیشتووەتە ئەو راستییەی كە نیوەی تووشبوونەكان بە نەخۆشییەكانی شێرپەنجە پەیوەندی بە شێوازی ژیانی تەندروستەوە هەیە لەوانەش وازهێنان لە جگەرەكێشان و كەمكردنەوەی كێش و چالاكیی جەستەیی و كەمكردنەوەی خواردنەوەی مەی.

دامەزراوەی توێژینەوە شێرپەنجەییەكانی بەریتانیا لە گشتگیرترین توێژینەوەدا كە 134 هەزار حاڵەتی گرتووەتەوە دەریخستووە كە شێرپەنجە پەیوەندییەكی بەهێزی بە شێوازی ژیانەوە هەیە.

توێژینەوەكە دەریخستووە 14 هۆكار كە پەیوەندییان بە شێوازی ژیانەوە هەیە، رۆڵیان هەیە لە خۆپاراستن لە تووشبوون بە شێرپەنجە، لەوانەش جگەرەكێشان و مەشق نەكردن و بەكارهێنانی خوێ بە رێژەی زۆر و منداڵ نەبوون و خواردنەوەی مەی بە رێژەی زۆر و قەڵەو بوون و ئەو هۆكارانە بە رێژەی 40 لەسەد كاریگەرییان لەسەر كۆی تووشبوونەكانی مرۆڤ بە شێرپەنجە هەیە.

چواردە ساڵە قژی نەبڕیوە - وێنەیی

2011-12-12T13:43:25+01:00

ئافرەتێکی چینی ماوەی چواردە ساڵە قژی خۆی نەبڕیوە بۆیە ئێستا درێژی قژەکەی گەیشتووتە ٢.٥٣ م .

لینمی تەمەن ٥٥ ساڵ کە قژی بە شێوەیەکی سەرسووھێنەر زیاد دەکات خاوەن دوو منداڵە لە ھەرێمی شانشی ژیان بەسەر دەبات ، ھەرچەندە ماوەیەکی زۆرە قژی نەبڕیوە بەڵام بەشیوەیەکی تەندروست پارێزگاری لێکردوە.

ئەم ئافرەتە بۆ دەست نیشان کردنی درێژی قژی پێویست بوو لەسەر کورسیەک رابوەستێت بۆ ئەوەی درێژیەکەی بەتەواوەتی بەدەر کەوێت.

ی. ا

یاری به‌رشلۆنه‌ و ریال سه‌ری باوكێكی خوارد

2011-12-12T13:37:01+01:00

به‌هۆی دروستبوونی ناكۆكی له‌ نێوان باوك و كوڕێك له‌سه‌ر یاری نێوان ریال مه‌درید و به‌رشلۆنه‌ كه‌ رۆژی شه‌مه‌ ئه‌نجام درا كوڕه‌كه‌ دوو گوللـه‌ به‌ باوكیه‌وه‌ ده‌نێت و ده‌یكوژێت.

كارلۆس ئه‌ندریه‌ ئه‌فسه‌ر له‌ پۆلیسی لێكۆڵینه‌وه‌ی تاوانه‌كان به‌ ئاژانسی هه‌واڵی فه‌رمی ئه‌نگۆلای راگه‌یاند: رۆژی پینجشه‌ممه‌ له‌ لاوه‌ندای پایته‌خت، كوڕێكی (ته‌مه‌ن 17 ساڵ) له‌گه‌ڵ باوكی (ته‌مه‌ن 48 ساڵ) له‌سه‌ر یاریه‌كه‌ی به‌ر‌شلۆنه‌ و ریال ده‌بێته‌ مشتومڕیان، له‌وكاته‌دا كوڕه‌كه‌ چه‌كێكی ده‌ستده‌كه‌وێت و له‌ په‌نا خانووێك ته‌قه‌ له‌ باوكی ده‌كات و دوو فیشه‌كی به‌ر ده‌كه‌وێت.

ئه‌ندریه‌ وتیشی: باوكه‌كه‌ ده‌ستبه‌جێ گیانی له‌ده‌ستداوه‌، كوڕه‌كه‌ش به‌ چه‌كی تاوانه‌كه‌وه‌ رایكردووه‌و تا ئیستا ده‌ستگیرنه‌كراوه‌.

له‌ ئه‌نگۆلا یاریه‌كانی توپی پێ جه‌ماوه‌رێكی به‌رفراوانی هه‌یه‌، زۆربه‌ی زۆری خه‌ڵك له‌ رێگه‌ی كه‌ناڵه‌كانی ئاسمانی سه‌یری یاریه‌كانی خولی ئه‌وروپی ده‌كه‌ن.

بی بی سی / ص . س

ھەندێک لە جوانترین وێنەکانی ساڵی ٢٠١١

2011-12-12T13:33:27+01:00

ساڵی ٢٠١١ چەندین رووداوی خۆش و ناخۆشی تێدابوو و لەخوارەوە کۆمەڵێک وێنەتان پێشکەش دەکەین کە لەساڵی رابردوو وەک جوانترین وێنە دەست نیشان کراون.

کاریکاتێر

2011-12-12T11:55:56+01:00

له‌لایه‌ن به‌رێز:gehadkokoy نێردراوه‌

مەیموونێک لە مالیزیا، ناچار کرا واز لە جگەرەکێشان بێنێت

2011-09-15T14:57:49+01:00

بەرپرسانی باغچەی ئاژەڵان لە مالیزیا، پێدانی جگەرەیان بەو مەیموونەی باغچەی ئاژەڵانە قەدەغە کرد.

بە پێی راپۆرتێکی ئاژانسی " ئاسیوشیتێد پرێس"، ئەو گەشتیارانەی کە سەردانی ئەو باغچەی ئاژەڵانەیان دەکرد ، هەموویان جگەرەیان بە مەیموون شەرلی دەدا.

ئەحمەد، بەرێوەبەری باغچەی ئاژەڵانی مالیزیان لە بارەی " شەرلی" ووتی: مەیموونەکەیان بە هۆی کاری لاساییکردنەوە فێری جگەرەکێشان ببوو.

ئەو گەشتیارانە بە بێ گوێدان بە رێنەمایی وئاگادارییەکان ، جگەرەیان بۆ ئەو مەیموونە هەڵدەکرد و فرێیان دەدایە ناو قەفەسەکەیەوە.

ئەو مەیموونە ، خۆی بە جگەرەکێشانەوە گرتبوو و ئێستا بەرپرسانی ئەو باغچەیە ، جگەرەکێشانیان لەو مەیموونە قەدەغە کردووە.

گەورەترین شێلمی جیهان 38 کیلۆگرامە

2011-09-15T14:52:46+01:00

- قورسترین شێلم کە کێشەکەی 38.92 کیلۆگرام بوو لە پەرتووکی گێنیس بۆ ژمارە پێوانییەکان تۆمار کرا.

بە پێی راپۆرتێکی ورلد رکۆردز ئاکادێمی جوتیارێک بەناوی یان نییل لە ویلایەتی ساوت وێلزی ئەمەریکا توانی گەورەترین شێلمی سویدی بە ناوی " Suede" بچێنێت کە کێشەکەی 38.92 کیلۆگرام بوو.

لە وەرزی بە خێوکردنی ئەو رووەکانە، یان نییل زیاتر لە 70 کاتژمێری لە هەفتەیەکدا بۆ پەروەردەکردنی ئەو شێلمە بە سەر بردبوو.

پێوانەی پێشووتری قورسترین شێلمی سویدی لە جیهاندا پەیوەست بوو بە شێلمێک کە کێشەکەی 37.6 کیلۆگرام کە لە لایەن "ئسکات بۆب" وە چاندرا بوو.
نییل خولیای بەخێوکردنی رووەکە بە قەبارەی گەورە لە وانە " شووتی ، گوێز، ناوبراو 30 ساڵ لەمەوبەر توانی گەورەترین پیازی جیهان پەروەردە بکات.

رێبوار محەمەد / ی. ا

ژن ومێردیک لە بەرزایی دوو هەزار مەتر زەماوەند دەکەن

2011-09-15T14:47:02+01:00

ژن و پیاوێکی بە ساڵاچووی ئەمەریکی دوای ئەوەی لە رێگای پاراشووتەوە لە ناو فرۆکە خۆیان پادایە خوارەوە، مەراسیمی زەماوەندی خۆیان لە بەرزایی 2200 مەتری ئاستی زەویی ئەنجامدا.

بە پێی راپۆرتێکی ئاژانسی" ئاسیوشیتد پرێس"، مەرجی ئەو زاوا تەمەن 58 ساڵەیە بۆ رێورەسمی زەماوەند ، خۆپازادن لە ناو فرۆکە بە پاراشووت و زەماوەند لە ئاسمانە.

بووکی تەمەن 54 ساڵەش ، دوای ئەوەی بە مەرجە سەیروسەمەرەکەی هاوسەرەکەی رازی بوو ، مەراسیمی زەماوەندیان لە بەرزایی 2200 مەتری ئاسمان و لە سەر شاری " میدل تاون " لە ویلایەتی ئۆهایۆی ئەمەریکا بەرێوە برد.

رێبوار محەمەد / ی. ا

ئەو ئافرەتانەی کە شیرینی زۆر دەخۆن، مەترسی تووشبوون بە شێرپەنجەی منداڵندانیان لێدەکرێت

2011-09-01T12:22:07+01:00

بەپێی توێژینەوەیەک دەرکەوتووە ئەو ئافرەتانەی کە لە ماوەی هەفتەیەکدا پسکیت و کولیچەو شیرینیەمەنی بە رێژەیەکی زۆر دەخۆن ، مەترسی تووشبوونیان بە شێرپەنجەی منداڵدان لە 33% زیاترە لە ئافرەتانی دیکە.

لە ئەنجامی توێژینەوەیەکدا کە ماوەی 10 ساڵی خایاند و لە سەر 60 هەزار ئافرەتی سویدی ئەنجام درا دەرکەوت ، ئەو ئافرەتانەی کە لە ماوەی هەفتەیەکدا 2 تا 3 جار "پسکیت ،کولیچە ، شیرینیەمەتی " دەخۆن ، بە رێژەی 33%دا لە مەترستی تووشبوون بە شێرپەنجەی "منداڵدان" دان، هەروەها ئەو رێژەیە ئەگەر بۆ 3 تا 4 جار زیاتر شیرینی زیاتر بخۆرێت ، بۆ 42% دا بەرز دەبێتەوە. ئەو توێژینەوانە پیشانی داوە کە خواردنی " شەکر وخواردەمەتی شیرین دەبێتە هۆی بەرزبوونەوەی تووشبوون بە شێرپەنجەی "منداڵدان".

منداڵێكی‌ هیندی‌ خاوه‌نی‌ 34 په‌نجه‌یه‌

2011-08-28T12:18:45+01:00

منداڵێكی‌ هیندی‌ وه‌ك خاوه‌نی‌ زۆرترین په‌نجه‌ی‌ ده‌ست و پێ‌ له‌ كتێبی‌ گینسدا ناوی‌ تۆمار كرا

ئه‌كشات ساكسینا كه‌ منداڵێكی‌ هیندیه‌، وه‌ك خاوه‌نی‌ زۆرترین په‌نجه‌ی‌ ده‌ست و پێ‌ له‌ جیهاندا ناسراوه‌ و ناوی‌ له‌ كتێبی‌ ژماره‌ پێوانه‌ییه‌كانی‌ جیهاندا تۆمار كرا.

به‌پێی‌ راپۆرتی‌ میدیاكان، ئه‌و منداڵه‌ كه‌ ته‌مه‌نی‌ كه‌متر له‌ 2 ساڵه‌، خاوه‌نی‌ 14 په‌نجه‌ی‌ ده‌ست و 20 په‌نجه‌ی‌ پێیه‌ و به‌گشتی‌ 34 په‌نجه‌ی‌ هه‌یه‌.

چاوه‌ڕوان ده‌كرێت له‌ داهاتوویه‌كی‌ نزیكدا نه‌شته‌رگه‌ریی‌ بۆ ئه‌نجام بدرێت و په‌نجه‌ زیاده‌كانی‌ ده‌ست و پێی‌ لێبكرێته‌وه‌ و بخرێته‌ باری‌ جه‌سته‌یی‌ ئاسایی‌.

رێبوار محه‌مه‌د/ ئا. ر